Leikreglur – K100 leikurinn

K100 og Dýrakofinn: ársbirgðir af fóðri. Leikurinn er á vegum Dýrakofans, Eyravegi 23, 800 Selfossi, í samstarfi við K100.

Hverjir mega taka þátt

Allir 18 ára og eldri sem búa á Íslandi. Starfsfólk Dýrakofans og K100 og fjölskyldur þeirra geta ekki unnið.

Hvernig tekur maður þátt

Þú skráir hundinn eða köttinn í afmælisklúbb Dýrakofans á dyrakofinn.is/pages/leikur. Hver einstaklingur skráir sig einu sinni, sama hve mörg dýr eru skráð. Fleiri skráningar frá sama einstaklingi auka ekki vinningslíkur. Skráningu fylgir áskrift að póstlista Dýrakofans, sem þú getur afskráð þig af hvenær sem er.

Tímabil

Skráning er opin til 25. október 2026 kl. 23:59.

Vinningar

Aðalvinningur: ársbirgðir af Sportsman's Pride fóðri: 120 kg fyrir hund (8 pokar af 15 kg) eða 30 kg fyrir kött (4 pokar af 7,5 kg). Vinningshafi velur tegund úr Sportsman's Pride línunni. Pokana má sækja í búðina á Selfossi eða fá senda á Dropp-stað eða pósthús, eftir samkomulagi, og það þarf ekki að taka þá alla í einu.

Saga dagsins: dagana 19.–25. október velur K100 á hverjum degi eina sögu, þá fyndnustu úr svörunum við „Áttu fyndna eða skemmtilega sögu af dýrinu?“. Eitt gæludýr vinnur á dag: hundar vinna 3 kg poka af Sportsman's Pride, kettir vinna glaðning frá WOOLF.

Ekki er hægt að skipta vinningum í peninga eða aðrar vörur.

Útdráttur

Dregið er af handahófi úr öllum gildum skráningum mánudaginn 26. október 2026, að viðstöddu vitni. Vinningshafi er tilkynntur í beinni útsendingu á K100 og á dyrakofinn.is með fornafni og bæjarfélagi. Haft er samband við vinningshafa áður en hann er tilkynntur. Ef ekki næst í vinningshafa innan 7 daga er dregið aftur.

Útvarp og samfélagsmiðlar

Fyndna sagan þín og spurning til Kristínar geta verið lesin upp á K100 og birt á samfélagsmiðlum Dýrakofans og K100, með fornafni þínu og nafni dýrsins. Ekkert annað um þig er birt.

Persónuupplýsingar

Upplýsingarnar sem þú skráir eru notaðar til að halda leikinn, senda dýrinu litla afmælisgjöf með fyrstu pöntun í afmælismánuðinum (skráning dýrs gildir í 2 ár), og senda þér ráð og fréttir frá Dýrakofanum. Þú getur afskráð þig af póstlistanum hvenær sem er með einum smelli neðst í hverjum pósti. K100 fær aldrei lista yfir þátttakendur, aðeins fyndnu sögurnar og spurningarnar til Kristínar, með fornafni og nafni dýrsins, til að velja sögu dagsins og lesa upp. Nánar í persónuverndarstefnu Dýrakofans.

Spurningar

Sendu okkur póst á dyrakofinn@dyrakofinn.is.